Foydalanish shartlari

Men talaba uz platformasining foydalanish shartlari

(Ommaviy oferta)

1. Umumiy qoidalar

1.1. Mentalaba.uz - ta'lim sohasida ishonchli, muhim va dolzarb yangiliklar, oliy ta'lim muassasalari, professional ta'lim muassasalari, o’quv markazlar haqida ma'lmotlar va ularga qabulga yozilish imkoniyati, yoshlar uchun onlayn test o'tkazish tizimi (keyingi o‘rinlarda “tizim” deb yuritiladi) “Support IT Solutions” ma’suliyati cheklangan jamiyati (keyingi o‘rinlarda “ijrochi” deb yuritiladi)ga tegishli va u tomonidan boshqariladi. Loyiha 2023-yilning yanvar oyida faoliyatini boshlagan. Bu tizim foydlanuvchilari (keyingi o‘rinlarda “foydalanuvchi” deb yuritiladi) ushbu ommaviy ofertaga asosan Mentalaba.uz tizimidan foydalanadi. O‘zbekiston Respublikasi Fuqarolik kodeksining 364-moddasiga ko‘ra, mazkur oferta foydalanuvchi bilan ijrochi o‘rtasidagi qonuniy bitim hisoblanadi.

1.2. Foydalanuvchi Mentalaba.uz veb-sayti, uning mobil ilovasi va telegram botidan foydalanishi yoki ularda ro‘yxatdan o‘tishi ushbu oferta bilan tanishganligi va hech qanday istisnosiz uning barcha shartlarini qabul qilganligini bildiradi. Agar foydalanuvchi ofertaning ayrim qismlariga rozi bo‘lmasa, tizim imkoniyatlaridan foydalanish huquqiga ega bo‘lmaydi.

1.3. Foydalanuvchi 1.2-bandda ko‘rsatilgan tarzda shartlarni qabul qilgan paytdan boshlab oferta kuchga kirgan hisoblanadi.

1.4. Ijrochi o‘z tashabbusiga binoan foydalanuvchilarni ogohlantirmagan holda tizimning ish faoliyatini doimiy yoki vaqtincha to‘xtatishi yoki ma’lum foydalanuvchilarga cheklashi mumkin.

2. Tizimdan foydalanish

2.1. Ushbu tizimdan voyaga yetgan foydalanuvchi mustaqil foydalanishi mumkin. Voyaga yetmagan foydalanuvchilar ota-ona yoki vasiy shaxs ruxsati hamda nazorati ostida foydalanish huquqiga ega.

2.2. Tizim orqali foydalanuvchi quyidagi sahifalardan foydalanishi mumkin:

"OTMlar"- Oliy ta'lim muassasalari haqida batafsil ma'lumotlar olish va mavjud ta'lim yo'nalishlarga hujjat topshirish;

"professional ta'lim muassasalari"- Professional ta'lim muassasalari haqida batafsil ma'lumotlar olish va mavjud ta'lim yo'nalishlarga hujjat topshirish;

"O'quv markazlar"- O'quv markazlari haqida batafsil ma'lumotlar olish va mavjud o'quv kurslarida o'qish uchun kursga yozilish;

"Hamkorlik"- Barcha oliy ta'lim muassasalari, professional ta'lim muassasalari va o'quv markazlari uchun hamkorlik qilish uchun ariza qoldirish;

"online test"- Online blok testlar, mavzulashtirilgan testlarda qatnashish.

2.3. Tizim doimiy mukammallashtirilgan va qulayliklar yaratish nuqtai nazaridan 2.2-bandda berilgan sahifalar ijrochi tomonidan o'zgartirilishi mumkin.

2.4. Tizimda taqdim etiladigan xizmatlar foydalanuvchining bilim darajasini oshirish, o'z-o'zini sinash, uning test ko'rinishidagi imtihonlarga davriy tayyorgarlik darajasini oshirib borish uchun ishlab chiqilgan bo'lib test natijasida to'plangan ballar biror bir rasmiy maqomga ega emas yoki biron bir o'quv muassasasi talabasi/o'quvchisi bo'lish uchun asos hisoblanmaydi.

2.5. Tizimdan foydalanish vaqtida foydalanuvchi ishlatayotgan qurilmalar (kompyuter, mobil telefon), dasturiy vositalar (brauzer), internet tarmog'ining ish faoliyati va sifat kabi ijrochi vakolatida bo'lmagan omillar uchun ijrochi javobgar emas.

2.6. Ijrochi tizimning xavfsiz va barqaror ishlashi uchun barcha chora-tadbirlar, dasturiy-texnik yechimlarni ishlab chiqish va joriy etish uchun ma'suldir, o'z navbatida foydalanuvchi ushbu tizimda ishlash orqali qurilmaga yoki qurilma faoliyatini boshqaruvchi operatsion tizimga yetkazilishi mumkin bo'lgan zararlar uchun javobgarlikni o'z zimmasiga oladi.

3. Ochiq ma'lumotlardan foydalanish

3.1. Tizimda foydalanuvchilar uchun axborot va statistik mazmundagi quyidagi bo‘limlar tashkil etilgan:

• O‘zbekiston Respublikasidagi oliy ta'lim muassasalari, professional ta'lim muassasalari, o’quv markazlari haqida batafsil ma'lumotlar va ularning manzil/aloqa ma’lumotlari;

• Mutaxassisliklar, mutaxassisliklar uchun oliy ta'lim muassasalari va professional ta'lim muassasalari kesimida yillik qabul kvotalari;    

• O‘zbekiston Respublikasi oliy va o‘rta-maxsus ta’lim tizimidagi yangiliklar;    

• O‘zbekiston Respublikasi Davlat test markazi tomonidan o‘tkazilgan kirish imtihonlari natijalari va o‘tish ballari;

• Ijrochi tomonidan tizimda yoshlar uchun muhim deb topilgan yangiliklar, maqolalar va blog-postlar;

• Tizimda va uning telegram kanalida berib boriladigan e'lonlar, bannerlar hamda PR-maqolalar

3.2. Tizimda berib boriladigan statistik ma’lumotlar, xususan 3.1-bandda ko‘rsatilgan ma’lumotlar axborot mazmuniga ega bo‘lib, ular davlat organlarining rasmiy veb-saytlaridagi, Ochiq ma’lumotlar portali (data.gov.uz), O'zbekiston Respublikasi Vazirlar Mahkamasi Huzuridagi Bilim va malakalarni baholash agentligi rasmiy veb sayti (uzbmb.uz) hamda boshqa manbalardagi ochiq ma’lumotlar asosida, yangiliklar bo'limidagi maqolalar esa O‘zbekiston matbuot va axborot agentligida ro‘yhatdan o‘tgan OAV materiallari asosida tayyorlangan bo‘lib, ijrochi ushbu axborotlarning to‘g‘riligiga kafolat bermaydi.

3.3. Noaniqliklar kelib chiqqanda yoki foydalanuvchida ochiq ma’lumotlarning to‘g‘riligiga shubha paydo bo‘lganda tegishli davlat organlari , oliy ta'lim muassasalari, professional ta'lim muassasalari va o’quv markazlarining rasmiy veb-saytlari hamda rasmiy axborot manbalaridagi ma’lumotlar to‘g‘riligi tan olinadi.

3.4. Tizimdagi ochiq ma’lumotlardan foydalanuvchi tizimda ro‘yxatdan o‘tmagan yoki tizimga kirmagan holda foydalanishi mumkin.

3.5. Foydalanuvchi tizimda joylashgan axborot mazmunidagi ma’lumotlarda xatolik aniqlasa info@mentalaba.uz elektron manziliga xatolik haqida ogohlantirish qoldirish huquqiga ega. Ijrochi mazkur xatolikni ishonchli manbalar orqali qayta tekshirgan holda, ma’lumotlarni tahrirlashi yoki o‘zgarishsiz qoldirishi mumkin.

3.6. Tizimni doimiy mukammallashtirish nuqtai nazaridan ijrochi tomonidan axborot va statistik mazmunidagi ma’lumotlar yangilab boriladi.

3.7. Tizimdagi ochiq ma’lumotlardan faqat shaxsiy maqsadlarda foydalanilishi lozim. Ularni tijorat maqsadida elektron va qog‘oz shaklda ko‘paytirish va tarqatish yoki turli bot dasturlar (avtomatlashtirilgan skriptlar va ssenariylar) yordamida tizimdagi ma’lumotlarni ko‘chirib olish man etiladi.

3.8. Tizimdagi ochiq ma’lumotlar joylashgan sahifalarga boshqa veb-saytlardan havola berish yoki sahifalarni freym-kod(frame, iframe)lar orqali boshqa veb-saytlarga joylashtirish ijrochi ruxsati bilan amalga oshiriladi.

3.9. Tizimda berib boriladigan reklama xarakteridagi elonlar, bannerlar hamda PR-maqolalarda berilgan ma’lumotlar to'g'riligiga reklama (e'lon) beruvchi taraflar (keyingi o'rinlarda Reklama beruvchi) javobgardir.

3.10. Foydalanuvchi reklama xarakteridagi ma'lumotlar orqali Reklama beruvchilardan biror bir tovar yoki xizmatlarni sotib olishi yoki ulardan foydalanishidan avval ushbu ma'lumotlarning haqiqiyligi va tovar/xizmatlarning O'zbekiston Respublikasi qonunchiligi asosida taqdim etilayotganligiga ishonch hosil qilishi kerak.

3.11. Reklama beruvchi hamda Foydalanuvchi orasida vujudga keladigan munosabatlar va ularning oqibatlariga Ijrochi javobgar emas.

4. Tizimda pullik xizmatlardan foydalanish

4.1. Tizimda pullik xizmatlar internet servis sifatida O‘zbekiston Respublikasining “Elektron tijorat to‘g‘risida”gi qonuni talablariga muvofiq dasturiy-texnik tashkil etiladi.

4.2. Pullik xizmatlar tizimda ro‘yxatdan o‘tgan va ayni foydalanish vaqtida foydalanuvchi qayd yozuvi (keyingi o‘rinlarda “akkaunt” deb yuritiladi) ga kirgan (keyingi o‘rinlarda “identifikatsiyalash” deb ataladi) foydalanuvchilarga taqdim etiladi.

4.3. Tizimda foydalanuvchini identifikatsiyalash foydalanuvchi taqdim etadigan shaxsiy ma’lumotlar asosida amalga oshiriladi. Shaxsiy ma’lumotlarning daxlsizligi shartlari ofertaning 5-bo‘limida belgilangan.

4.4. Foydalanuvchi o‘z akkaunti orqali bir vaqtda faqatgina bitta qurilma (brauzer, mobil telefon) orqali tizimda ishlashi mumkin.

4.5. Pullik xizmatlar ijrochi tomonidan ishlab chiqilgan va tasdiqlangan preyskurant asosida narxlanadi hamda bir martalik yoki oylik obuna ko‘rinishida taqdim etiladi.

4.6. Pullik xizmatlarga to‘lov quyidagi usullar yordamida amalga oshiriladi:

     4.7. Foydalanuvchi o‘z balansini to‘ldirish hamda oylik obuna sotib olishni ijrochi tomonidan ruxsat etilgan hamda tizimga dasturiy-texnik jihatdan integratsiyalashgan onlayn to‘lov tizimlari orqali amalga oshiradi.

4.8. Onlayn to‘lov tizimlari orqali to‘langan summalar tizimda elektron hisob ko‘rinishida yuritiladi va foydalanuvchiga axborot mazmunida taqdim etiladi.

4.9. Foydalanuvchi o‘z balansini ijrochi tomonidan ishlab chiqarilgan hamda ijrochi bilan shartnoma asosida faoliyat yurituvchi shaxslar tomonidan tarqatiladigan to‘lov kod-varaqalari yordamida ham to‘ldirishi mumkin. To‘lov kod-varaqasi foydalanuvchi tomonidan aktivlashtirilgan holatda uning summasi foydalanuvchi balansiga o‘tkaziladi.

4.10. Foydalanuvchi balansidan yechib olingan mablag‘lar hamda foydalanuvchi sotib oladigan oylik obunalarning summasi, miqdori, sanasi va uning boshqa detallari elektron chek varaqasi sifatida tizimda doimiy saqlanadi va “Elektron tijorat to‘g‘risida”gi qonunga asosan ushbu cheklar haqiqiy chekka tenglashtiriladi.

4.11. Foydalanuvchi balansidagi sarf etilmagan mablag‘larni istalgan paytda qaytarib olish huquqiga ega emas. Bunda mablag‘lar foydalanuvchi talabnomasiga binoan ijrochi va foydalanuvchi o‘rtasida tuzilgan huquqiy shartnomaga asosan qaytariladi. Ijrochi tomonidan rag'batlantirish, bonus, mukofot, sovg'a sifatida foydalanuvchi balansiga o‘tqazilgan mablag'lar bundan mustasno.

4.12. Foydalanuvchi tomonidan tizimda pullik xizmatlari uchun sarf etilgan mablag‘lar ijrochi tomonidan qaytarib berilmaydi.

4.13. Foydalanuvchi tomonidan tizimda amalga oshirilgan barcha harakatlar, jumladan to‘lovlar ixtiyoriy ravishda amalga oshiriladi hamda ularning to‘g‘riligi uchun ijrochi javobgarlikni o‘z zimmasiga olmaydi.

5. Shaxsiy ma’lumotlar daxlsizligi

5.1. Shaxsiy ma’lumotlar toifasiga tizimda ro‘yxatdan o‘tish jarayonida foydalanuvchi ixtiyori bilan taqdim etiladigan quyidagi ma’lumotlar kiradi:

• Foydalanuvchi ismi, familiyasi, sharifi;

• Foydalanuvchi mobil telefon raqami;

• Foydalanuvchi elektron pochta manzili;

• Foydalanuvchi (paroli) kalit so'zi;

• Foydalanuvchi passport yoki ID karta ma'lumotlari (passport seriya raqami, JSHHIR - jismoniy shaxsinig shaxsiy identifikatsiya raqami, tug'ilgan kuni (kun,oy,yil),jinsi, tug'ilgan joyi);

• Foydalanuvchi avvalgi yoki hozirda tahsil olgan yoki olayotgan ta'lim muassasalari (ta'lim muassasasi turi, muassasa nomi, muassasa tomonidan berilgan guvohnoma yoki diplom ma'lumotlari);

• Foydalanuvchiga tegishli sertifikat ma'lumotlar (sertifikat turi, seriya raqami, natijasi);

• Mobil ilovadan foydalangan taqdirda qurilmaning ma'lumotlari (operatsion tizim versiyasi, modeli, identifikatsion nomeri);

• Telegram botdan, foydalangan taqdirda telegram profili ma'lumotlari (ismi,telefon raqami, unikal nomi va foydalanuvchi IDsi);

• Foydalanuvchi tomonidan foydalanilgan ma'lumotlar.

5.2. Tizimda ro‘yxatdan o‘tish jarayonida foydalanuvchi taqdim etadigan shaxsiy ma’lumotlar to‘g‘riligi va aniqligiga foydalanuvchi javobgardir. O‘zga shaxslarning shaxsiy ma’lumotlari (ism-sharif, mobil telefon raqami, passport yoki ID karta ma’lumotlari)ni taqdim etish qonunga asosan taqiqlanadi. Agar foydalanuvchi ro‘yxatdan o‘tish jarayonida noto‘g‘ri ma’lumotlarni kiritganligi aniqlansa, ijrochi ushbu akkauntni tizimda bloklash yoki o‘chirish huquqiga ega.

5.3. Shaxsiy ma’lumotlarning sir saqlanishi kafolatlanadi va uning tizim xotirasida daxlsiz saqlanishi ijrochi tomonidan dasturiy-texnik asosda tashkil etiladi.

5.4. Foydalanuvchi tizimga taqdim etgan shaxsiy ma’lumotlarini sir saqlashi va boshqa shaxslar ixtiyoriga topshirmaslik bo‘yicha majburiyatni o‘z zimmasiga oladi.

5.5. Tizimda bir foydalanuvchining identifikatsiyalash ma’lumotlari boshqa bir shaxslar, bot dasturlar (avtomatlashtirilgan ssenariylar, skriptlar) tomonidan ishlatilayotganligi aniqlansa ushbu foydalanuvchi akkaunti va IP-manzili tizimda bloklanadi hamda ogohlantirishsiz o‘chiriladi. Bloklangan yoki o‘chirilgan akkaunt balansida tizim xizmatlari uchun sarflanmagan mablag‘larni foydalanuvchiga qaytarish 4.13-bandda ko‘rsatilgan tartibda amalga oshiriladi.

5.6. Foydalanuvchining mobil telefon raqami unga tizim faoliyati yuzasidan SMS xabarnomalar, ijrochi tomonidan foydali deb topilgan qisqa reklama e'lonlari va foydalanilgan pullik xizmatlarning elektron chek varaqasini jo‘natish hamda foydalanuvchini tizimda identifikatsiyalash uchun ishlatiladi. 

5.7. Bundan tashqari tizim faoliyatini monitoring va statistik tahlil qilish uchun foydalanuvchi qurilmasi, uning harakatlari haqidagi quyidagi ma’lumotlar tizimda himoyalangan holda yig‘iladi:    

5.8. Agar foydalanuvchining akkauntidan foydalanish huquqi uchinchi shaxslar tomonidan turli yo‘llar bilan o‘zlashtirib olinganligi ma’lum bo‘lsa, ijrochi foydalanuvchi uchun o‘z akkauntini qayta tiklash imkoniyatini yaratib berishga majbur. Biroq akkaunt uchinchi shaxs qo‘lida bo‘lgan vaqtda amalga oshirilgan harakatlar natijasida yetkazilgan zararlarni ijrochi qoplash majburiyatini o‘z zimmasiga olmaydi, ijrochining aybi bilan sodir etilgan hollar bundan mustasno.

5.9. Foydalanuvchi talabnomasiga binoan tizimda uning akkaunti o‘chirilishi hamda akkaunt bilan birgalikda uning shaxsiy ma’lumotlari tizim xotirasidan o‘chirilishini ijrochi ta’minlanmaydi.

5.10. Foydalanuvchi o'z akkauntini istalgan vaqtda tizimdan o'chirish huquqiga ega. Buning uchun Sozlamalar bo'limida ko'rsatilgan yo'riqnoma asosida akkaunt faoliyatini to'xtatishi mumkin. Bu holatda foydalanuvchi akkaunti va unga tegishli ma'lumotlar tizim xotirasidan qayta tiklanmaydigan darajada o'chiriladi.

6. Boshqa shartlar

6.1. Ushbu ommaviy oferta foydalanuvchi va “Support IT Solutions” MCHJ o‘rtasidagi qonuniy bitim hisoblanib, foydalanuvchi va ijrochi o‘rtasidagi huquq va majburiyatlarni belgilaydi. O‘z navbatida ushbu ommaviy ofertada belgilangan tomonlarning huquq va majburiyatlari O‘zbekiston Respublikasi qonunlari doirasida tartibga solinadi.

6.2. Foydalanuvchi ham, ijrochi ham ushbu ommaviy oferta shartlarini qabul qilish va bajarish vaqtida boshqa bir uchinchi tomon oldida hech qanday majburiyatlarni o‘z zimmasiga olmaydi, yozma kelishuvsiz o‘z huquq va majburiyatlarni uchinchi shaxsga o‘tkazmaydi.

6.3. Ofertada nazarda tutilmagan masalalar O‘zbekiston Respublikasining amaldagi qonunchiligi asosida tartibga solinadi.

6.4. Foydalanuvchi hamda ijrochi o‘rtasida nizo kelib chiqqan taqdirda, eng avvalo o‘zaro kelishuv asosida hal qilishga harakat qilinadi. Buning imkoni bo‘lmaganda nizo qonunda belgilangan tartibda hal qilinadi.

6.5. Ofertaning biron bandi ayrim sabablarga ko‘ra haqiqiy emas deb topilsa yoki yuridik kuchga ega emas deb baholansa, bu ofertaning qolgan bandlarining haqiqiyligiga ta’sir qilmaydi.

6.6. Ijrochi ommaviy oferta shartlarini o‘zgartirish yoki qayta ko‘rib chiqish huquqiga ega. Ijrochi bunday o‘zgarishlar haqida tizimda barcha ochiq o‘qishi mumkin bo‘lgan e’lon bergan holda foydalanuvchilarni kamida 3 ish kuni oldin ogohlantirishi zarur. O‘zgarishlar kuchga kirgandan so‘ng foydalanuvchining tizim xizmatlaridan foydalanishi, uning yangi shartlarga roziligini bildiradi.