Institut haqida :

Qo‘qon filiali Toshkent davlat texnika universitetining Farg‘ona vodiysidagi birinchi va hozirda yagona filiali bo‘lib, muhandislik, geologiya, iqtisod, texnologiya yo‘nalishlari bo‘yicha mutaxassislar tayyorlaydi. U O‘zbekiston Respublikasi Vazirlar Mahkamasining 2018-yil 22-sentabrdagi “Islom Karimov nomidagi Toshkent davlat texnika universitetining Qo‘qon filialini tashkil etish to‘g‘risida”gi 754-son qarori asosida tashkil etilgan. Hozirda Qo‘qon filiali qoshida ikkita fakultet faoliyat yuritmoqda: “Muhandislik” fakulteti va “Energetika” fakulteti. Professor-o’qituvchilar soni dotsentlar, katta o’qituvchilar, yordamchi o’qituvchilardan iborat 64 nafarga yetdi. Hammasi bo’lib 13 ta bakalavriat va 2 ta magistratura yo’nalishi mavjud bo’lib, ularda hozirda 1519 nafar talaba tahsil olmoqda.

Filial o‘zining asosiy vazifalari sifatida quyidagilarni belgilaydi:

 - sanoat mahsulotlarini ishlab chiqarish, muhandislik ishlari va ishlab chiqarish texnologiyalari, xususan, elektronika va asbobsozlik, materialshunoslik va yangi materiallar texnologiyasi, texnologik mashinalar yo‘nalishlari bo‘yicha xalqaro standartlar darajasida yuqori malakali kadrlar tayyorlashni ta’minlash; va uskunalar, elektron uskunalar ishlab chiqarish texnologiyalari;

 - iqtisodiyot tarmoqlarini rivojlantirishning ilmiy-texnikaviy vazifalarini hal etishga, ilg‘or xorijiy texnologiyalarni sinovdan o‘tkazish va joriy etishga qaratilgan ilmiy-amaliy tadqiqotlar va ishlanmalarni amalga oshirish;

 - kadrlar xaridorlarining takliflari va xorijiy davlatlar ta’lim muassasalari tajribasini hisobga olgan holda tegishli muhandislik-texnik va ishlab chiqarish bakalavriat ta’lim yo‘nalishlari va magistratura mutaxassisliklari bo‘yicha ilmiy-uslubiy adabiyotlarni ishlab chiqish;

 - istiqbolli yosh bitiruvchilarni respublika va xorijiy oliy ta’lim muassasalari hamda ilmiy markazlarga magistratura va doktoranturaga muntazam ravishda yuborish orqali filialning ilmiy-pedagogik salohiyatini oshirish.

Qabul qilish talablari : BMB(DTM) tomonidan tashkil etiladigan davlat imtihonlarida qatnashish. Bilim va malakalarni baholash agentligi talab qilinadigan hujjatlar:

Avvalgi yillardagi bitiruvchilar uchun:

 - pasport;

 - diplom;

 - til bilishi sertifikati; (agar mavjud boʻlsa);

 - imtiyozi mavjud bo‘lganda, imtiyozni tasdiqlovchi hujjatlar.

 - toʻlov summasini to'lash;

Joriy yil bitiruvchilari uchun:

 - pasport;

 - bitiruv attestati (qabul qiluvchilar tomonidan bazadan elektron tarzda olinadi).

Texnikum bitiruvchilariga :  Islom Karimov nomidagi Toshkent davlat texnika universitetining Qo’qon filialida Texnikum bitiruvchilarini oliy ta’lim muassasasiga imtihonlarsiz, yakka tartibda suhbat orqali qabul qilinadi.

Xorijiy abituriyentlarni qabul qilish uchun : 

Islom Karimov nomidagi Toshkent davlat texnika universitetining Qo‘qon filialining bakalavriat yo‘nalishi bo‘yicha o‘qishga qabul qilish uchun hujjatlarda quyidagilar bo‘lishi kerak:

1-bosqich: Quyidagi 2 turdagi hujjatlar kerak.(Hujjatlarni telegram orqali shu manzilga yuborishingiz mumkin)

 - Maktab yoki kollej, litseyni tamomlaganligi to‘g‘risidagi guvohnoma;

 - Shaxsni tasdiqlovchi hujjat/pasport nusxasi;

2-qadam: Nomzodlar onlayn suhbatga taklif qilinadi.

 - Ushbu amallarni bajarganingizdan so’ng, barcha natijalar elektron pochta orqali yuboriladi.

3-qadam: Talabalikka tavsiya etilgan xorijiy abiturientlar universitet tomonidan yotoqxona bilan ta’minlanadi.

Email: Yuborish uchun email manzil...

Institut grantlari :

Institutda grantlar mavjud kirish imtihonlarida yuqori ball olgan iqtirodli talabalarga yo'nalishlar kesimida davlat grantlari ajratiladi. Bu grantlar faqat bir o'quv yili uchun beriladi va kontrakt asosida qabul qilingan talabalar kiyingi o'quv yillarida grant o'qish imkoniyati bor.

Institut stipendiyasi :

Davlat granti asosida ta’lim olayotgan talabalar:

Birinchi kursning 1-semestrida stipendiyaning bazaviy miqdori to‘lanadi;

- Keyingi semestrdan boshlab oldingi semestr natijalariga qarab quyidagi tartibda stipendiya tayinlanadi va to‘lanadi:

- Barcha fanlardan o‘zlashtirish ko‘rsatkichi a’lo bo‘lgan talabalarga stipendiyaning bazaviy miqdori 20%ga oshirilgan holatda to‘lanadi;

- Umumiy fanlarining 30% va undan ortiq qismini qoniqarli o‘zlashtirgan, ya’ni 71 balldan kam to‘plagan talabalarga stipendiya tayinlanmaydi. To‘liq davlat ta’minotida bo‘lgan yetim bolalar va ota-ona qaramog‘idan mahrum bo‘lgan bolalar sirasiga kiruvchi hamda 1 va 2-guruh nogironligi bo‘lgan talabalar bundan mustasno;

- Davlat granti asosida ta’lim olayotgan qolgan barcha talabalarga stipendiyaning bazaviy miqdori to‘lanadi.

To‘lov kontrakt asosida ta’lim olayotgan talabalarga quyidagi tartibda stipendiya tayinlanadi va to‘lanadi:

 - Kontrakt asosida o‘qiyotganlar stipendiyali yoki stipendiyasiz shaklda o‘qishi mumkin;

 - Kontraktdagilarga o‘zlashtirish ko‘rsatkichidan qat’iy nazar stipendiyaning bazaviy miqdori to‘lanadi.

 - Stipendiya tegishli tartibda belgilangan kontrakt summasi to‘langanidan so‘ng tayinlanadi va to‘lanadi.

I va II guruh nogironligi bor talabalar uchun quyidagi tartibda stipendiya to‘lanadi:

 - I va II guruh nogironligi bor talabalar grant yoki kontraktda o‘qishidan qat’iy nazar stipendiyaning bazaviy miqdoriga nisbatan 50%ga yuqori miqdorda stipendiya tayinlanadi va to‘lanadi;

 - To‘liq davlat ta’minotida bo‘lgan yetim bolalar va ota-ona qaramog‘idan mahrum bo‘lgan bolalar sirasiga kiruvchi talabalarga stipendiyaning bazaviy miqdorida stipendiya tayinlanadi va to‘lanadi.

Talabalikka tavsiya etilgan talabalardan quyidagi hujjatlar talab etiladi:

 - OTM rahbari nomiga ariza;

 - shaxsni tasdiqlovchi hujjat(pasport) nusxasi – 5 dona;

 - ma’lumotini tasdiqlovchi hujjat(diplom yoki attestatsiya) asli;

 - IELTS sertifikati (mavjud bo‘lsa);

 - 3,5×4,5 o’lchamli foto(oq fonda) – 12 dona;

 - qog‘ozlar uchun papka;

 - qog‘oz konvert;

 - abiturient ruxsatnomasi;

 - javoblar varaqasi;

 - STIR (INN)

 - Harbiy xizmat tavsiyanomasi(legota - agar mavjuda bo'lsa)

Institut yotoqxonasi : Institutda yotoqxona mavjud.

Xalqaro hamkorlik :

Bo’limning maqsadi: Bugungi kunda mavjud nazariy bilim va amaliy tajribalarni tahlil qilish, taqqoslash orqali muammoni hal etish yo’llarni topishga, bilimlarni mustahkamlash, takrorlash, baholash, mustaqil, tanqidiy fikrlashni, nostandart tafakkurni shakllantirishga xizmat qiladi. alqaro standartlarga mos o’quv jarayonining so’nggi yutuqlaridan foydalanish dolzarb muammolardan sanaladi. Shu munosabat bilan TDTU Qo’qon filiali Xalqaro hamkorlik bo’lim TDTU Qo’qon filiali bilan dunyoning boshqa ta’lim muassasalari o’rtasida do’stona, madaniy, o’quv va ilmiy yo’nalishlarda hamkorlik aloqalarini o’rnatib, ularni takomillashtirib boradi. Shuningdek,professor-o’qituvchilarning xorijda malakasini oshirish, stajirovkalar qisqa muddatli o’quv kurslari va talabalarning almashinuv dasturlari bo’yicha O’zbekiston Respublikasi Vazirlar Mahkamasi huzuridagi “El-yurt umidi” jamg’armasi, Yevropa Ittifoqi, Rossiya, AQSH va boshqa ko’plab davlatlar tomonidan e’lon qilinadigan grant va stipendiya dasturlarida qatnashish borasida tavsiyalar beradi.

Islom Karimov nomidagi Toshkent davlat texnika universiteti Qo‘qon filiali hozirgi kunda quyidagi xorijiy oliy o’quv yurtlari bilan hamkorlik qilmoqda :

 - Ufa davlat neft-texnika universiteti (Rossiya Federatsiyasi )

 - V.G.Shuxov nomidagi Belgorod davlat texnika universiteti (Rossiya Federatsiyasi )

 - M.Avezov nomidagi Janubiy Qozog‘iston universiteti (Qozog’iston Respublikasi)

 - M.M.Adishev nomidagi O‘sh texnologiya universiteti (Qirg’iziston Respublikasi)

 - Qozog‘iston milliy agrar tadqiqot universiteti (Qozog’iston Respublikasi)

 - Abdurahmon Jomiy nomidagi Ta’limni rivojlantirish ilmiy-tadqiqot institutlari (Tojikiston Respublikasi)

 - Gorgan qishloq xo’jaligi fanlari va tabiiy resurslar universiteti (Eron Islom Respublikasi)