Toshkent davlat texnika universitetining Olmaliq filiali

Umumiy talabalar soni

4000 ta talabalar

Umumiy yo'nalishlar

7 ta yo'nalishlar

Talabalar yotoqxonasi

Mavjud

Toshkent davlat texnika universiteti Olmaliq filiali haqida:

Oʻzbekiston Respublikasi Prezidentining  2017-yil 27-iyul №3153-son “Toshkent viloyatida sanoat-ishlab chiqarish sohasi uchun muhandis-texnik kadrlar tayyorlash tizimini takomillashtirish chora-tadbirlari toʻgʻrisida”gi Qaroriga muvofiq Islom Karimov nomidagi Toshkent davlat texnika universiteti Olmaliq filiali tashkil etildi. Oʻtgan yilda to‘rt nafar professor-oʻqituvchi oʻz dissertatsiyalarini ana shunday muvaffaqiyat bilan himoya qilib, falsafa doktori(PhD) ilmiy darajalariga ega boʻlishdi. Joriy yilda esa yana toʻrt nafar professor oʻqituvchilarning ilmiy-tadqiqot ishlari oxiriga etkazilib, dissertatsiya himoyalarini oʻtkazish asosiy maqsad sifatida belgilangan. Iste’dodli professor –oʻqituvchilarimizning har biri talaba-yoshlarning kamol topishi, jamiyatda munosib oʻrin egallashida bor bilim va tajribasini oʻrgatib, ma’nan boy avlodlar boʻlib ta’lim-tarbiya olishlarida beqiyos hissa qoʻshib kelmoqda. Bilamizki, ta’lim-tarbiya har bir davlatning nafaqat bugunida, balki ertasida ham muhim masala sanaladi. 

Fakultetlar haqida ma'lumotlar:

Energetika va mashinasozlik fakulteti

1958-1961-yillar Toshkent politexnika institutining (ToshPI) Olmaliqda ochilgan maslahat maskaniga shahar reja qoʻmitasi raisi YU.S.Petrosov rahbar etib tayinlangan.

XX asrning 50-yillarida Oʻzbekistonda yirik metallurgiya zavodlarining qurilishi rejalashtirilgan boʻlib, 60-yillarda ushbu rejani amalga oshirish ishlari boshlab yuboriladi. Jumladan, Olmaliq kon-metallurgiya kombinati, “Oʻzbekoltin” birlashmasiga qarashli Chodak, Angren, Marjonbuloq oltin saralash fabrikalari, keyinroq esa Navoiy kon-metallurgiya kombinatlari qurildi. Bu davrda Bekobod metallurgiya zavodi, CHirchiq oʻtga chidamli va qiyin eruvchi metallar (volьfram va molibden) ishlab chiqarishga moʻljallangan kombinat faoliyat koʻrsatib kelayotgan edi. 

Konchilik ishi va metallurgiya fakulteti

Оʻtgan asrning 50-yillarida Оʻzbekistonda yirik foydali qazilma konlari aniqlanib, ularni qazib olish, boyitish fabrikalari hamda metallurgiya zavodlarining qurilishi rejalashtirilgan bоʻlib, 60-yillarda ushbu rejani amalga oshirish ishlari boshlab yuborildi.

Jumladan, Olmaliq kon-metallurgiya kombinati, “Оʻzbekoltin” birlashmasiga qarashli Chodak, Angren, Marjonbuloq konlari va rudalarini boyitish fabrikalari, keyinroq esa Navoiy kon-metallurgiya kombinatlari tashkil topdi. Bu davrda Bekobod metallurgiya zavodi, Chirchiq оʻtga chidamli va qiyin eruvchi metallar (volform va molibden) ishlab chiqrishga mоʻljallangan kombinat faoliyat kоʻrsatib kelayotgan edi. Ushbu konlarda, fabrikalarda zavodlarda ishlash uchun mutaxassislar-injener konchilar, boyituvchilar hamda metallurglar tayyorlash davr talabiga aylangan edi. Bu vazifa bilan Toshkent politexnika instituti (Hozirgi Toshkent davlat texnika universiteti) Konchilik fakulteti shugʻullanar edi.