Axborot texnologiyalari

Axborot texnologiyalari — bu zamonaviy kompyuter texnologiyalari, dasturiy ta’minot va raqamli tizimlar yordamida axborotni yig‘ish, saqlash, qayta ishlash va uzatish jarayonlarini samarali tashkil etishga qaratilgan yo‘nalishdir. Ushbu soha dasturlash, veb va mobil ilovalar ishlab chiqish, kompyuter tarmoqlari, ma’lumotlar bazalari, kiberxavfsizlik hamda bulutli texnologiyalarni o‘z ichiga oladi.

Talabalar o‘qish jarayonida dasturlash asoslari, ma’lumotlar bazasini loyihalash, veb dasturlash, mobil ilovalar yaratish, tarmoq texnologiyalari, axborot xavfsizligi asoslari va zamonaviy IT texnologiyalar bo‘yicha bilim hamda amaliy ko‘nikmalarga ega bo‘ladilar. Bitiruvchilar turli sohalarda raqamli texnologiyalarni joriy etish va rivojlantirishda muhim rol o‘ynaydilar.

Axborot texnologiyalari bakalavriatini tugatgan mutaxassislar quyidagi kasblarda ishlashlari mumkin:

• Dasturchi (Software Developer) — dasturiy mahsulotlar va ilovalar ishlab chiqish.
• Veb dasturchi (Web Developer) — veb-sayt va onlayn platformalarni yaratish.
• Mobil ilovalar dasturchisi (Mobile App Developer) — Android va iOS ilovalar ishlab chiqish.
• Tarmoq administratori (Network Administrator) — kompyuter tarmoqlarini boshqarish va nazorat qilish.
• Kiberxavfsizlik mutaxassisi (Cybersecurity Specialist) — axborot xavfsizligini ta’minlash.
• Ma’lumotlar bazasi administratori (Database Administrator) — ma’lumotlar bazalarini boshqarish va optimallashtirish.
• IT-loyiha menejeri (IT Project Manager) — axborot texnologiyalari loyihalarini rejalashtirish va boshqarish.
• Texnik qo‘llab-quvvatlash mutaxassisi (IT Support Specialist) — tizimlar va foydalanuvchilarga texnik yordam ko‘rsatish.

Va boshqa tegishli kasblarda ishlashi mumkin!

Ta’lim tili: O'zbek tili, Rus tili, Ingliz tili

Ta’lim shakli: Kunduzgi