Axborot tizimlari va texnologiyalari

Axborot tizimlari va texnologiyalari — bu tashkilotlar va korxonalarda axborotni yig‘ish, saqlash, qayta ishlash va uzatish jarayonlarini samarali tashkil etishga qaratilgan yo‘nalishdir. Ushbu soha zamonaviy dasturiy ta’minot, ma’lumotlar bazalari, tarmoq texnologiyalari, veb va mobil ilovalar ishlab chiqish hamda axborot tizimlarini boshqarishni o‘z ichiga oladi.

Talabalar o‘qish jarayonida dasturlash asoslari, ma’lumotlar bazasini loyihalash, tizim tahlili, axborot xavfsizligi asoslari, bulutli texnologiyalar va IT-loyihalarni boshqarish bo‘yicha bilim va amaliy ko‘nikmalarga ega bo‘ladilar. Bitiruvchilar turli sohalarda raqamli transformatsiyani amalga oshirishda muhim rol o‘ynaydilar.

Axborot tizimlari va texnologiyalari bakalavriatini tugatgan mutaxassislar quyidagi kasblarda ishlashlari mumkin:

• Axborot tizimlari mutaxassisi (Information Systems Specialist) — tashkilot axborot tizimlarini joriy etish va qo‘llab-quvvatlash.
• Dasturchi (Software Developer) — dasturiy mahsulotlar va ilovalar ishlab chiqish.
• Tizim tahlilchisi (System Analyst) — biznes jarayonlarini tahlil qilish va IT-yechimlar taklif etish.
• Ma’lumotlar bazasi administratori (Database Administrator) — ma’lumotlar bazalarini boshqarish va optimallashtirish.
• IT-loyiha menejeri (IT Project Manager) — axborot texnologiyalari loyihalarini rejalashtirish va boshqarish.
• Texnik qo‘llab-quvvatlash mutaxassisi (IT Support Specialist) — tizimlar va foydalanuvchilarga texnik yordam ko‘rsatish.

Va boshqa tegishli kasblarda ishlashi mumkin!

Imtihon fanlari: Matematika, Informatika

Ta’lim tili: O'zbek tili

Ta’lim shakli: Kunduzgi