Yo'nalish haqida
Geografiya — bu Yer yuzasining tabiiy sharoiti, aholisi, xo‘jaligi hamda hududiy rivojlanish jarayonlarini o‘rganuvchi fan sohasi. Ushbu ta’lim yo‘nalishi talabalarga tabiiy va ijtimoiy-iqtisodiy jarayonlarni tahlil qilish, xaritalar bilan ishlash, hududiy rejalashtirish va atrof-muhitni o‘rganish bo‘yicha nazariy bilim hamda amaliy ko‘nikmalarni beradi.
Dastur geografiyaning asosiy yo‘nalishlarini, jumladan, tabiiy geografiya, iqtisodiy va ijtimoiy geografiya, kartografiya, geoinformatika, ekologiya hamda hududiy rejalashtirish fanlarini qamrab oladi. Shuningdek, talabalar zamonaviy axborot texnologiyalari, GIS (geografik axborot tizimlari) bilan ishlash, dala tadqiqotlarini olib borish va tahliliy fikrlash ko‘nikmalarini egallaydilar.
Geografiya bakalavriat dasturini tamomlagan mutaxassislar quyidagi sohalarda faoliyat yuritishi mumkin:
- Geograf — tabiiy va ijtimoiy jarayonlarni o‘rganish va tahlil qilish.
- Kartograf — xaritalar tuzish va hududiy ma’lumotlarni vizuallashtirish.
- GIS mutaxassisi — geografik axborot tizimlari bilan ishlash va ma’lumotlar bazasini yaratish.
- Ekolog — atrof-muhit holatini o‘rganish va nazorat qilish.
- Hududiy rejalashtirish mutaxassisi — hududlarni rivojlantirish loyihalarini ishlab chiqish.
- O‘qituvchi (geografiya fani bo‘yicha) — ta’lim muassasalarida geografiya fanidan dars berish.
Va boshqa mos keluvchi kasblarda ishlashi mumkin!
Imtihon fanlari: Geografiya, Matematika
Ta’lim tili: O‘zbek tili
Ta’lim shakli: Kunduzgi
Ta’lim tili va kontrakt narxlari
- Ta'lim tili
- O‘zbek
- Kunduzgi - O'zbek tili
- 12 000 000 so'm / yillik