Iqtisodiyot (Barqaror iqtisodiyot va hududiy rivojlanish) Latviya hayotiy fanlar va texnologiyalar universiteti (2+2)

Iqtisodiyot (Barqaror iqtisodiyot va hududiy rivojlanish) qo’shma ta'lim dasturi mintaqaviy xususiyatlarni hisobga olgan holda barqaror iqtisodiy rivojlanish tamoyillarini o'rganishga qaratilgan oliy ta'lim dasturidir. Dastur barqaror rivojlanish nazariyalari va modellarini, mintaqaviy darajadagi iqtisodiy jarayonlarni tahlil qilish usullarini, shuningdek, mintaqaviy rivojlanishni rejalashtirish va boshqarish vositalarini o'z ichiga oladi.

Iqtisodiyot (Barqaror iqtisodiyot va hududiy rivojlanish) taʼlim yo‘nalishi bo‘yicha bakalavrlar tayyorlash kunduzgi taʼlimda 2+2 shaklida (2 yil O’zbekistonda va 2 yil Latviyada) amalga oshiriladi. O‘qitish kredit-modul tizimi asosida tashkil qilinadi.

Akademik profil

Ushbu dastur talabalarga milliy va xalqaro mehnat bozorlarida ishlashga tayyor va raqobatbardosh iqtisodchi bo'lish uchun zarur bo'lgan bilim va ko'nikmalarni berishga qaratilgan. O'quv dasturi majburiy kurslar, tanlov kurslari va amaliy mashg'ulotlardan iborat bo'lib, talabalarga quyidagi bilimlar beradi:

• mikro va makro darajada iqtisodiy sharoitlarni tushunish uchun tahliliy ko'nikmalar va bilimlar;
• agrar va atrof-muhit iqtisodiyoti yoki biznes jarayonlarini boshqarishdagi jarayonlar va omillarning o'zaro munosabatlarini tahlil qilish va tanqidiy baholash qobiliyati;
• qarorlar qabul qilish va resurslarni oqilona va barqaror boshqarishni tushunish;
• tadqiqot faoliyatiga qiziqish va umrbod ta'limning ahamiyatini tushunish.

Karyera imkoniyatlari

Bu qo’shma dastur talaba uchun turli kasbiy imkoniyatlarni ochadi. Agrar iqtisodiyot, ekologik iqtisodiyot va biznes-jarayonlarni boshqarish bo'yicha bilimlarni olgani uchun talaba turli sohalardagi biznes-jarayonlarga keng dunyoqarashga ega bo’ladi va bozordagi vaziyatlarni baholash, keng qamrovli tadbirkorlikni tashkil etish va boshqarish, qishloq va shaharlarda innovatsion boshqaruv g'oyalarini amalga oshirish imkoniyatiga ega bo’lishadi.

Bakalavr darajasi bitiruvchilarga Latviya yoki xorijdagi universitetlarda tegishli magistraturada o‘qishni davom ettirish huquqini beradi.

Bu dastur bitiruvchilari barqaror rivojlanish va hududiy iqtisodiyot sohasida bilim va ko‘nikmalarni talab qiluvchi turli sohalarda ishlashlari mumkin. Bitiruvchilar uchun mumkin bo'lgan ish joylaridan ba'zilari:

• Hududiy rivojlanishni rejalashtirish va boshqarishda ishtirok etuvchi davlat organlari va munitsipalitetlar.
• Mintaqaviy miqyosda iqtisodiy jarayonlarni tahlil qilish va baholash bilan shug'ullanadigan ilmiy-tadqiqot institutlari va tahlil markazlari.
• Barqaror rivojlanish va mintaqaviy rivojlanish bo'yicha konsalting sohasida ishlovchi kompaniya va tashkilotlar.
• Hududlarni barqaror rivojlantirish va ijtimoiy-iqtisodiy rivojlantirish loyihalarida ishtirok etuvchi notijorat tashkilotlar va fondlar.
• Barqaror rivojlanish sohasida oʻquv dasturlari va loyihalarini amalga oshiruvchi taʼlim muassasalari va markazlari.

Bitiruvchilar Latviya Respublikasining o’zida qishloq xo‘jaligi korxonalarida, bank va moliya sektoridagi kompaniyalarda, davlat muassasalarida, ilmiy va ilmiy-tadqiqot tashkilotlarida, xususiy kompaniyalarda ish bilan ta’minlanmoqda.

Bitiruvchilarning ish haqi ularning tajriba darajasi, mutaxassislik, tashkilot hajmi va turiga bog'liq ravishda o'rtacha, ushbu sohadagi mutaxassislar uchun ish haqi darajasi oyiga 2500 dan 3000 yevrogacha bo'lishi mumkin.

Bakalavr darajasi bitiruvchilarga Latviya, O’zbekiston yoki boshqa xorijdagi universitetlarda tegishli magistraturada o‘qishni davom ettirish huquqini beradi.