Toshkent Davlat iqtisodiyot universiteti Samarqand filiali qo'shma ta'lim dasturlari haqida ma'lumot

Toshkent davlat iqtisodiyot universiteti Samarqand filiali (TDIUSF) O’zbekiston Respublikasi Vazirlar Mahkamasining 2019 yil 28 maydagi 438-sonli qarori bilan tashkil etilgan.

Iqtisodiyot tarmoqlarining rivojlanishi istiqbollari va ustuvor vazifalari, zamonaviy texnika hamda texnologiyalarning rivojlanishi tendensiyalarini hisobga olgan holda Germaniya, Latviya, Malayziya davlatlarining yetakchi universitetlari bilan yaqin hamkorlik o’rnatib, malakali kadrlar tayyorlash - Filialimizning asosiy vazifalaridandir.

Shu asosda Germaniya, Latviya va Malayziya davlatlarining oliy ta’lim muassasalari bilan hamkorlikda qo’shma ta’lim dasturlari tashkil etilgan bo’lib, hozirda «Iqtisodiyot», «Axborot tizimlari va texnologiyalari» va «Raqamli iqtisodiyot» singari ta’lim yo’nalishlari bo’yicha jami 80 nafar talaba tahsil olishmoqda.

Toshkent davlat iqtisodiyot universiteti Samarqand filialida 2019-2020 oʻquv yilidan boshlab xorijiy oliy taʼlim muassasalari bilan hamkorlikda qoʻshma taʼlim dasturlarini amalga oshirish boʻyicha “Xorijiy oliy taʼlim muassasalari bilan hamkorlikdagi qoʻshma taʼlim dasturlarini muvofiqlashtirish” boʻlimi tashkil etilib, filial strukturasiga kiritilgan. 2019-yildan boshlab, Germaniyaning Vaynshtefan-Triyezdorf amaliy fanlar universiteti bilan hamkorlikda “Iqtisodiyot (Oziq-ovqat tizimlarini boshqarish)” taʼlim yoʻnalishi, 2020-yildan boshlab Latviya hayotiy fanlar va texnologiyalar universiteti bilan “Axborot tizimlari va texnologiyalari (Raqamli boshqaruv va barqaror rivojlanish)” va “Iqtisodiyot (Barqaror iqtisodiyot va hududiy rivojlanish)” taʼlim yoʻnalishi hamda 2021-yildan boshlab Malayziyaning Linkoln universitet kolleji bilan “Raqamli iqtisodiyot (Biznes boshqaruv)” taʼlim yoʻnalishlari boʻyicha kadrlar tayyorlash yoʻlga qoʻyilgan.