Dasturiy injiniring

Dasturiy injiniring — bu axborot texnologiyalari va muhandislik sohasiga kiruvchi yo‘nalish bo‘lib, u dasturiy ta’minotni loyihalash, ishlab chiqish, sinovdan o‘tkazish, joriy etish va qo‘llab-quvvatlash jarayonlarini o‘rganadi.

Ushbu soha dasturlash tillari, algoritmlar va ma’lumotlar tuzilmalari, dasturiy tizimlar arxitekturasi, ma’lumotlar bazalari, veb va mobil ilovalar yaratish, shuningdek, dasturiy ta’minot sifatini ta’minlash, xavfsizlik va jamoaviy dastur ishlab chiqish metodologiyalarini (Agile, Scrum) qamrab oladi.

Dasturiy injiniring bakalavrini bitirgan mutaxassislar quyidagi kasblarda ishlashi mumkin:

• Dasturchi (Software Developer / Programmer) — turli dasturiy ilovalar va tizimlarni ishlab chiqish
• Veb-dasturchi (Web Developer) — veb-sayt va veb-ilovalar yaratish
• Mobil ilovalar dasturchisi (Mobile App Developer) — Android va iOS ilovalarini ishlab chiqish
• Dasturiy ta’minot muhandisi (Software Engineer) — murakkab dasturiy tizimlarni loyihalash va rivojlantirish
• Testlovchi (QA Engineer) — dasturiy ta’minotni sinovdan o‘tkazish va sifatini tekshirish

Va boshqa mos keluvchi kasblarda ishlashi mumkin!

Imtihon fanlari: Matematika, Fizika

Ta’lim tili: O‘zbek tili

Ta’lim shakli: Kunduzgi