Ta‘lim va tarbiya nazariyasi va metodikasi (maktabgacha ta‘lim)

Magistratura: Ta’lim va tarbiya nazariyasi va metodikasi (maktabgacha ta’lim) — bu pedagogika sohasiga oid chuqurlashtirilgan yo‘nalish bo‘lib, maktabgacha ta’limning nazariy asoslari, bolalarning psixologik va jismoniy rivojlanishi, shuningdek pedagogik metod va texnologiyalarni o‘rganishga qaratilgan. Ushbu yo‘nalish maktabgacha yoshdagi bolalar bilan ishlashda ta’lim jarayonini loyihalash, ularning rivojlanish imkoniyatlarini aniqlash va ta’lim jarayonida innovatsion pedagogik yondashuvlarni qo‘llash masalalarini o‘rganadi.

Magistratura bosqichida talabalar ilmiy-tadqiqot faoliyatini olib borish, pedagogik jarayonlarni tahlil qilish, yangi o‘qitish usullarini ishlab chiqish va amaliyotga joriy etish ko‘nikmalarini egallaydilar.

Ta’lim va tarbiya nazariyasi va metodikasi (maktabgacha ta’lim) magistratura bitiruvchilari quyidagi kasblarda ishlashi mumkin:

• Maktabgacha ta’lim muassasalari o‘qituvchisi – bolalar bilan ta’lim va tarbiya jarayonini tashkil etish
• Pedagog-metodist – maktabgacha ta’lim dasturlari va metodikalarni ishlab chiqish
• Ilmiy tadqiqotchi – bolalar pedagogikasi va tarbiya metodikalari bo‘yicha ilmiy faoliyat olib borish
• Ta’lim muassasasi rahbari yoki mutaxassisi – maktabgacha ta’lim jarayonini boshqarish
• Trener yoki instruktor – bolalar uchun rivojlantiruvchi mashg‘ulotlar va treninglar o‘tkazish

Va boshqa mos keluvchi yuqori malakali kasblarda ishlashi mumkin!

Ta’lim muddati: 2 yil