Texnologik ta‘lim

Texnologik ta’lim — bu ishlab chiqarish jarayonlari, texnika va texnologiyalar asoslarini hamda ularni o‘qitish metodikasini o‘rganuvchi fan sohasi hisoblanadi. Ushbu yo‘nalish talabalarni zamonaviy texnologiyalar, amaliy mehnat ko‘nikmalari va pedagogik faoliyatga tayyorlashga qaratilgan.

Bu yo‘nalish doirasida talabalar texnologiya asoslari, chizmachilik, materialshunoslik, mexanika, elektrotexnika, ishlab chiqarish texnologiyalari hamda texnologiya fanini o‘qitish metodikasi kabi fanlarni o‘rganadilar. Shuningdek, ular amaliy ishlar bajarish, texnik loyihalar ishlab chiqish, zamonaviy uskunalar bilan ishlash va o‘quvchilar bilan samarali ishlash ko‘nikmalarini egallaydilar.

Texnologik ta’lim bakalavriatini tamomlagan mutaxassislar quyidagi sohalarda faoliyat yuritishi mumkin:

• Texnologiya fani o‘qituvchisi — maktab va ta’lim muassasalarida dars berish.
• Ishlab chiqarish ustasi — ishlab chiqarish jarayonlarini tashkil etish va nazorat qilish.
• Texnik mutaxassis — turli sanoat va texnologik sohalarda faoliyat yuritish.
• Loyiha muhandisi — texnik loyihalarni ishlab chiqish va amalga oshirish.
• Kasb-hunar ta’limi ustasi — amaliy ko‘nikmalarni o‘rgatish va o‘quv jarayonini tashkil etish.

Va boshqa mos keluvchi kasblarda ham ishlashi mumkin!

Imtihon fanlari: Matematika, Fizika

Ta’lim tili: O‘zbek tili

Ta’lim shakli: Kunduzgi