Universitetimizda 14 ta bakalavriat yo‘nalishi bo‘yicha 8000 ta talaba tahsil olmoqda , 6 ta magistratura mutaxassisligi bo‘yicha 400 ta magistrlar o‘z bilimlarini mustahkamlab, yangi ilmiy jarayonlarga tayyorlanishmoqda. Bu hali hammasi emas, yangi o‘quv yilidan universitetimizda 4 ta Doktorantura ixtisosliklari uchun Oliy ta’lim, fan va innovatsiyalar vazirligi tomonidan litsenziya ham berildi. Bundan tashqari Oriental universiteti tomonidan yangi o‘quv yili uchun euro guruhlar tashkil etish va darslarni rus tilida ham olib borilishi ko‘zda tutilgan va bu uchun alohida kvotalar ham ajratilgan.

 Universitetimizda grant va davlat granti mavjud. Davlat granti 20 ta Universitet granti uchun 15 ta talabaga o‘rin ajratilgan. Bundan tashqari universitetimizda universitet hamda rektor stipendiyalari mavjud. Ijtimoiy himoyaga muhtoj bo‘lgan talabalar uchun Universitet stipendiyasi ajratilgan. Rektor stipendiyasi esa semestrlarni namunali baholarga bitirgan talabalar uchun ajratilgan.

              Universitetimiz dunyoning TOP-500 ro‘yxatiga kiruvchi Oliy ta’lim muassasalari va TOP-1000 ta ro‘yxatidagi Europa va Osiyo davlatlarining 14 ta OTMlar bilan memorandum imzolagan. Talabalar har yili 1-semestr davomida OTMlarda talabalar almashinuvi bo‘yicha o‘qib kelishadi. Ushbu imtiyoz mutlaqo bepul hisoblanib, universitet tomonidan qoplanib beriladi.

              Bundan tashqari, ijtimoiy ahvoli og‘ir bo‘lgan talabalar uchun 50 % chegirma berib boriladi.