Universitet haqida :

Urganch filiali Oʻzbekiston Respublikasi Prezidentining 2005 yil 2 iyundagi PQ-91 son "Axborot texnologiyalari sohasida kadrlar tayyorlash tizimini takomillashtirish toʻgʻrisida”gi qarori, Oʻzbekiston Respublikasi Oliy va oʻrta maxsus taʼlim vazirligining 2005 yil 14 iyundagi 130-son "Oliy taʼlim muassasalari filiallari toʻgʻrisidagi namunaviy Nizomni tasdiqlash toʻgʻrisida”gi buyrugʻi hamda Oʻzbekiston aloqa va axborotlashtirish agentligining 2005 yil 21 iyul 07-8/2015-son taqdimnomasini amalga oshirish maqsadida 2005 yil 23 iyuldan Urganch shahrida Toshkent axborot texnologiyalari universitetining mintaqaviy filiali sifatida tashkil etilgan. Filial tarkibida ikkita "Kompyuter injiniringi" va “Telekommunikatsiya texnologiyalari” fakultetlari faoliyat yuritmoqda. Bu fakultetlarda "Axborot texnologiyalari", "Axborot xavfsizligi" ,  "Raqamli taʼlim texnologiyalari", "Tabiiy fanlar", "Gumanitar va ijtimoiy fanlar", "Dasturiy injiniringi", “Telekommunikatsiya injiniringi” kafedralari mavjud boʻlib, ularda  75  nafardan ziyod professor-oʻqituvchilar talabalarga taʼlim-tarbiya berib kelmoqdalar. Filialda magistrlar va katta ilmiy xodim izlanuvchilar tayyorlash maqsadida Sankt-Peterburg Davlat axborot texnologiyalari, mexanika va optika universiteti, Shvesiya qirollik texnologiya universiteti, Italiyaning Turin politexnika universiteti, Ispaniyaning Kardoba universitet va Germaniya davlatining Oldenburg universitetlari bilan xalqaro aloqalar oʻrnatilgan.

Universitet grantlari :

Universitetda grantlar mavjud kirish imtihonlarida yuqori ball olgan iqtirodli talabalarga yo'nalishlar kesimida davlat grantlari ajratiladi. Bu grantlar faqat bir o'quv yili uchun beriladi va kontrakt asosida qabul qilingan talabalar kiyingi o'quv yillarida grant o'qish imkoniyati bor.

Universitet stipendiyasi :

Davlat granti asosida ta’lim olayotgan talabalar:

Birinchi kursning 1-semestrida stipendiyaning bazaviy miqdori to‘lanadi;

- Keyingi semestrdan boshlab oldingi semestr natijalariga qarab quyidagi tartibda stipendiya tayinlanadi va to‘lanadi:

- Barcha fanlardan o‘zlashtirish ko‘rsatkichi a’lo bo‘lgan talabalarga stipendiyaning bazaviy miqdori 20%ga oshirilgan holatda to‘lanadi;

- Umumiy fanlarining 30% va undan ortiq qismini qoniqarli o‘zlashtirgan, ya’ni 71 balldan kam to‘plagan talabalarga stipendiya tayinlanmaydi. To‘liq davlat ta’minotida bo‘lgan yetim bolalar va ota-ona qaramog‘idan mahrum bo‘lgan bolalar sirasiga kiruvchi hamda 1 va 2-guruh nogironligi bo‘lgan talabalar bundan mustasno;

- Davlat granti asosida ta’lim olayotgan qolgan barcha talabalarga stipendiyaning bazaviy miqdori to‘lanadi.

To‘lov kontrakt asosida ta’lim olayotgan talabalarga quyidagi tartibda stipendiya tayinlanadi va to‘lanadi:

 - Kontrakt asosida o‘qiyotganlar stipendiyali yoki stipendiyasiz shaklda o‘qishi mumkin;

 - Kontraktdagilarga o‘zlashtirish ko‘rsatkichidan qat’iy nazar stipendiyaning bazaviy miqdori to‘lanadi.

 - Stipendiya tegishli tartibda belgilangan kontrakt summasi to‘langanidan so‘ng tayinlanadi va to‘lanadi.

I va II guruh nogironligi bor talabalar uchun quyidagi tartibda stipendiya to‘lanadi:

 - I va II guruh nogironligi bor talabalar grant yoki kontraktda o‘qishidan qat’iy nazar stipendiyaning bazaviy miqdoriga nisbatan 50%ga yuqori miqdorda stipendiya tayinlanadi va to‘lanadi;

 - To‘liq davlat ta’minotida bo‘lgan yetim bolalar va ota-ona qaramog‘idan mahrum bo‘lgan bolalar sirasiga kiruvchi talabalarga stipendiyaning bazaviy miqdorida stipendiya tayinlanadi va to‘lanadi.

Kirish uchun talablari : BMB(DTM) tomonidan tashkil etiladigan davlat imtihonlarida qatnashish.

Universitet yotoqxonasi : Universitetda yotoqxona mavjud.

Xalqaro aloqalar va ilmiy faoliyat

Hozirda filial koʼpgina xorijiy davlatlarning nufuzli universitetlari bilan hamkorlikni yoʼlga qoʼymoqda. Shu nuqtai nazardan hamkorlik aloqalar kengaytirish jarayoniga kafedra mudirlarini jalb etilmoqda, ushbu jarayonda xorijiy universitetlar bilan hamkorlik memorandum shartnomalari bandlari mutaxassis tayyorlovchi kafedra xodimlari bilan kelishilgan xolda tuzilmoqda. Bugungi kunda 20 dan ziyod xalqaro universitetlar bilan shartnomalar tuzilgan, jumladan: Rossiyaning Kazan federal universiteti, Novosibirsk davlat universiteti, Novosibirsk davlat texnika universiteti, Novosibirsk davlat iqtisodiyot va boshqaruv universiteti, Ufa fan va texnologiya universiteti, N.I.Lobachevskiy nomidagi Nijigorod milliy tadqiqot universiteti, Belorussiya davlat universiteti, AQSHning Minnesota davlat universiteti, Malayziyaning Malaya universiteti, Belorusiya davlat texnologiyalar universiteti, J.Koreyaning Toshkentdagi Yodju Texnika Instituti, Karl von Ossetskiy nomidagi Oldenberg universiteti, AQShning Denver universiteti, AQShning Mayami universiteti, Sankt-Peterburgning informatsion texnologiyalar, mexanika va optika universiteti, Belorussiya davlat informatika va radioelektronika universiteti, Vilʼnyus universiteti, Toshkentdagi Turin politexnika universitetlari, Urganch RANCH texnologiya universiteti shular jumlasidandir. Shartnomalardan koʻzlangan asosiy maqsad hamkor xorijiy OTMlar bilan oʻzaro ilmiy va innovatsion va taʼlim jarayonida almashuv dasturlarini tashkillashtirish jarayonlarini rivojlantirishdan iborat.Bitiruvchilarning faoliyat koʻrsatish soіalari Hozirgacha filialni bitkazgan 100 nafardan ziyod magistr va 2500 nafardan ziyod bakalavrlar Respublikamizda axborot-kommunikatsiya texnologiyalari, oliy taʼlim, oʻrta maxsus kasb-hunar kollejlari, xalq taʼlimi, bank kabi sohalarda faoliyat koʻrsatmoqdalar.