📢 Fan olimpiadasi g‘oliblariga 4 yillik grant beriladimi?

📌 2025-yildan boshlab davlat granti avtomatik 4 yilga emas, balki avval 1 yilga beriladi.

🧾 Keyingi yillarda esa talabaning o‘zlashtirish ko‘rsatkichlariga qarab grant davom ettiriladi yoki to‘xtatiladi.

⚠️ Ammo ayrim imtiyozli toifadagi abituriyentlarga bu qoida to‘liq tatbiq etilmaydi!

🎯 4 yillik grant kimlarga beriladi?

Quyidagi 5 ta xalqaro fan olimpiadasi g‘oliblari uchun to‘liq 4 yillik grant kafolatlanadi:

🥇 IMO – Xalqaro matematika olimpiadasi

🥈 IPhO – Xalqaro fizika olimpiadasi

🥉 IChO – Xalqaro kimyo olimpiadasi

🌿 IBO – Xalqaro biologiya olimpiadasi

💻 IOI – Xalqaro informatika olimpiadasi

🏅 Ushbu olimpiadalarda oltin, kumush yoki bronza medal sohibi bo‘lgan o‘quvchilar test topshirmasdan, to‘g‘ridan-to‘g‘ri davlat grantiga qabul qilinadi va ularga 4 yillik grant kafolatlanadi.

Respublika olimpiadasi yoki boshqa mukofotlar – grant bilan bog‘liqmi?

Ko‘p hollarda respublika fan olimpiadasi, ixtisoslashtirilgan tanlovlar yoki boshqa mukofotlar asosida ham abituriyentlarga imtihonda ball qo‘shiladi yoki imtihondan ozod qilinadi. Ammo bu holatlarda:

🔹Abituriyentga imtihonsiz grant kafolatlanmaydi

🔹U testda yetarli ball yig‘sa, grantga tushadi

🔹Grant faqat 1 yilga beriladi

🔹Keyingi yillarda uning o‘zlashtirishiga qarab davom ettiriladi

✅ Xulosa:

🎓 To‘liq 4 yillik grant imtiyozi faqat 5 ta xalqaro olimpiada g‘oliblariga beriladi. Respublika darajasidagi g‘oliblar, hatto maksimal ball olishsa ham, bu imtiyozdan foydalana olmaydi.

📌 Shuning uchun har bir abituriyent o‘z imtiyozining turini aniq tushunib olishi juda muhim!