Super-kontrakt haqida to‘liq ma’lumot (2025-yil)

O‘qishga kira olmagan ko‘plab abituriyentlarda super-kontrakt haqida savollar paydo bo‘lmoqda. Quyida 2025-yil uchun super-kontrakt tartiblari va narxlari haqidagi eng muhim ma’lumotlarni jamladik.

‼️ Diqqat: 2025-yil uchun super-kontrakt narxi va tartiblari hali tasdiqlanmagan. Tasdiqlangach, qo‘shimcha ma’lumot beriladi. 2024-yilgi narxlarni mana bu havola orqali ko‘rishingiz mumkin.

4 ballgacha yetmaganlar uchun super-kontrakt miqdori

Super-kontrakt narxlari o‘tish balidan qancha kam ball to‘plaganingizga qarab belgilanadi:

• 1 ballgacha yetmaganlar — bazaviy kontraktning 1,5 barobari. (Masalan, kontrakt 10 mln so‘m bo‘lsa, super-kontrakt 15 mln so‘m bo‘ladi).
• 1,01 — 2 ballgacha — 2 barobari.
• 2,01 — 3 ballgacha — 2,5 barobari.
• 3,01 — 4 ballgacha — 3 barobari.

Oddiy kontrakt va super-kontrakt birgalikda to‘lanadimi?

Yo‘q. Birinchi yilda faqat super-kontrakt to‘lanadi. Ikkinchi yildan boshlab esa oddiy kontrakt to‘lanadi.

Ariza topshirish tartibi

• Qachon boshlanadi? — Sentyabr oyida, o‘qishlar boshlangach (o‘tgan yili 2-sentyabrda boshlangan).
• Qayerda topshiriladi? — Faqat onlayn tarzda. OTMga borish, navbat kutish yoki iltimos qilish shart emas.
• Kim birinchi topshirsa, shu kiradimi? — Yo‘q. Talabgorlar ballari bo‘yicha tartiblanadi, yuqori ball to‘plaganlarga ustunlik beriladi.

Boshqa yo‘nalishga super-kontrakt qilish mumkinmi?

Bu yilgi tartib hali ma’lum emas. O‘tgan yili faqat birinchi tanlangan yo‘nalishda super-kontrakt qilishga ruxsat berilgan edi.

Super-kontrakt imkoniyatlari

Istalgan beshta yo‘nalishda o‘qish

O‘tgan yili besh yo‘nalishdan birini tanlab, super-kontrakt asosida o‘qish mumkin edi. Bu yilgi qoidalar hali tasdiqlanmagan.

Ta’lim krediti olish

Super-kontrakt uchun davlat ta’lim krediti berilmaydi. Ammo banklar tijoriy kredit taklif qilishi mumkin. 2-kursdan oddiy kontraktga o‘tgach, ta’lim krediti olish imkoni mavjud.

Grantga o‘tish imkoniyati

Super-kontraktda o‘qiyotganlar ham 1-kursdan keyin yaxshi o‘zlashtirsa, grantga o‘tish huquqiga ega.

To‘lovni bo‘lib to‘lash

Super-kontrakt summasini 4 qismga bo‘lib to‘lash mumkin.