Toshkent davlat iqtisodiyot universiteti tarkibiga Toshkent moliya instituti va Soliq qo‘mitasi huzuridagi Fiskal instituti qo‘shib yuborildi. Bu haqda Prezidentning tegishli qarori imzolandi.

O‘z navbatida iqtisod fanlari doktori, professor Teshaboyev To‘lqin Zokirovich Toshkent davlat iqtisodiyot universiteti rektori etib tayinlandi. U bunga qadar Toshkent moliya instituti rektori edi.

Eslatib o‘tamiz, Toshkent davlat iqtisodiyot universitetining avvalgi rektori Kongratbay Sharipov oliy taʼlim, fan va innovatsiyalar vaziri etib tayinlangan edi.