University of Business and Science
Tashkent city
“University of Business and Science” haqida:
“University of Business and Science”da 2024-2025-o‘quv yili uchun qabul jarayonlari boshlandi. Kunduzgi ta’lim shakli uchun 200 ta, sirtqi ta’lim shakli uchun esa 100 ta ta’lim granti ajratilgan. “University of Business and Science” (Biznes va Fan Universiteti) Oliy ta’lim, fan va innovatsiyalar vazirligi tomonidan taqdim qilingan №327588 sonli litsenziyaga asosan 2022-yildan buyon faoliyat yuritib kelmoqda. UBS universiteti 34 ta bakalavriat yoʻnalishlari, 3 ta magistratura mutaxassisliklari boʻyicha talalaba qabul qiladi.
Universitetimiz bugungi kunda Respublika hududidagi nodavlat oliygohlari ichida ilmiy salohiyati bo‘yicha yuqori o‘rinlarda bo‘lib, xalqaro tan olingan TOP-1000 talik oliygohlar qatoriga kirish uchun katta ishlar amalga oshirmoqda. Shu asnosida nodavlar oliygohlar ichidan birinchilardan bo‘lib doktorantura mutaxassisligi ochilgan bo‘lib, xalqaro oliygohlar qatoriga kirish uchun vazirlik tomonidan qo‘llab-quvvatlab kelinmoqda.
10 mingga yaqin talabalar universitetning ikkita zamonaviy o‘quv binosida eng so‘nggi texnologiyalar bilan jihozlangan shinam, zamonaviy ma’ruza va seminar xonalari, kompyuterxonalarda tahsil oladilar. Shuningdek, universitet oshxona, axborot resurs markazi, sport zal va tadbirlar zaliga ega.
Universitetda kunduzgi ta’limda tahsil oluvchi talabalar uchun talabalar turar joyi mavjud.
Universitet diplomi haqida
Universitet diplomi barcha davlat oliygohlari diplomi bilan bir xil yuridik kuchga ega. Ya’ni UBS diplomi “Taʼlim toʻgʻrisida”gi Qonunning 31-moddasiga asosan Oʻzbekiston Respublikasi hududida toʻgʻridan-toʻgʻri tan olinadi.
Qabul tartibi
“University of Business and Science”ga 2024-2025-o‘quv yili uchun qabul quyidagi tartibda bo‘lib o‘tishi kutilmoqda:
1. Hujjat topshirish. Abituriyent qabul.ubsu.uz veb-sayti yoki qabul komissiyasi orqali universitetimizga hujjat topshiradi. Abituriyentlar uchun hujjat topshirish mutlaqo bepul, o‘qishini ko‘chirmoqchi bo‘lgan talabalar uchun 350.000 so‘m registratsiya to‘lovi bo‘lib, ushbu to‘lov asosida oliygoh tomonidan talabalarga yengillik berish maqsadida o‘quv rejada hosil bo‘lgan fanlar farqi uchun to‘lov amalga oshirmaydilar. Ya’ni fanlar farqi uchun kredit to‘lovi olinmaydi.
2. Ichki imtihonlar. Belgilangan sanada universitet tomonidan tashkil etiladigan ichki imtihonlarda ishtirok etadi.
3. Suhbat asosida. O‘qishini UBSga ko‘chirayotgan talabalar suhbat orqali talabalikka qabul qilinadi.
4. UzBMB natijalar orqali. Davlat imtihonlarida qayd etilgan natija bilan ham UBS talabasi bo‘lish mumkin. Bunda abituriyent talabalikka qabul qilinish uchun yetarlicha ball to‘plagan bo‘lishi talab etiladi.
5. Grant tanlovlari. UBS har yili iqtidorli talabalarni qo‘llab-quvvatlash maqsadida bir necha miliard so‘mlik grantlar e’lon qilib kelmoqda. O‘qishga kirishda grant kundguzgi ta’lim uchun joriy qilingan bo‘lib, 4 yil uchun amal qiladi. Kirish imtihonlarida eng yuqori ball olgan talabgorlarga grant beriladi va grantni qo‘lga kiritgan talabalar ro‘yxati qabul imtihonlari yakunlanganidan so‘ng rasmiy sahifalarda e’lon qilinadi.
Kirish imtihonlari tartibi :
Abituriyentlar uchun yo‘nalishlar kesimida vazirlik tomonidan tasdiqlangan 2 ta mutaxassislik fani asosida bo‘lib, har bir blokda 30 tadan jami 60 ta test savollari mavjud.
Birinchi blok uchun har bir to‘g‘ri javob uchun 3.1 balldan, 2-blokdagi har bir to‘g‘ri javob uchun 2.1 balldan beriladi. To‘plash mumkin bo‘lgan maksimal natija 156 ballni tashkil etib, shunda 60 foiz ijobiy natija to‘plasangiz talabalar safiga tavsiya etilasiz. Bundan tashqari DTM natijalaringiz orqali imtihonsiz o‘qishga qabul qilinishingiz mumkin.
O‘qishga kirishda yoki ko‘chirishda IELTS, CEFRga ega bo‘lgan talabgorlar kirish imtihonlaridan ozod qilinib, to‘g‘ridan-to‘g‘ri o‘qishga qabul qilinadi.
“Ayollar daftari, temir daftar, yoshlar daftari”, boquvchisini yo‘qotgan yoki nogironligi borlar ham imtihonsiz o‘qishga qabul qilinadi.
Imtihon natijalari imtihonlardan so‘ng 2 ish kuni ichida SMS-xabarnoma shaklida yuboriladi.
Ta’lim jarayonlari haqida
Bakalavriatda qonunchilikka binoan kunduzgi ta’limda 4 yil, sirtqi ta’limda 5 yil tahsil olasiz. Maktabgacha ta’lim yo‘nalishida esa kunduzgi ta’lim 3 yil, sirtqi ta’lim esa 4,5 yilni tashkil etadi. Magistratura bosqichida o‘qish davomiyligi 2 yil, doktoranturada esa 3 yilni tashkil etadi.
Talabalarning har tomonlama kuchli kadr bo‘lib yetishishi uchun sifatli ta’lim berishni maqsad qilgan, “University of Business and Science” Axborot resurs markazi ilmiy va badiiy adabiyotlar bilan to‘ldirilgan bo‘lib, ulardan elektron shaklda ham foydalanish mumkin. UBSda nafaqat talabalar uchun, balki, maktab va kollej-litsey o‘quvchilari uchun ham turli olimpiada va tanlovlar o‘tkazib boriladi. Oliygoh 70% fan nomzodlaridan iborat professor-o‘qituvchilar jamoasi faoliyat yuritadi. Xalqaro talablarga to‘la javob beradigan fan dasturlari malakali mutaxassislar tomonidan ishlab chiqilgan.
Universitetimiz Germaniya, Turkiya, Indoneziya, Malayziya, Rossiya, Qirg‘iziston universitetlari hamda Global Testing Xalqaro Ta’lim standartlari jamiyati hamda Bolqon tarixi assostiatsiyasi bilan hamkorlik aloqalarini o‘rnatgan. Kunduzgi ta’lim shakli talabalari uchun 200 ta hamda iqtidorli talabalar uchun alohida bir semestrlik grant loyihalari yo‘lga qo‘yilgan. Sirtqi ta’lim shakli talabalari uchun ham grant ajratiladi. Talabalar amaliyot dasturlarini chet el universitetlari va nufuzli tashkilotlarda o‘taydi. Magistraturada o‘qishni maqsad qilganlar talabalardan chet tili sertifikatlari talab qilinmaydi. Sertifikatni o‘qishni tamomlaguncha olish kifoya.
Universitet manzili
“University of Business and Science” ayni vaqtda Namangan shahrida joylashgan ikkita o‘quv binosiga ega:
1) Namangan viloyati, Namangan shahri Zarbdor MFY, Beshkapa ko‘chasi 111-uyda joylashgan. (Mo‘ljal: Lola jahon bozoridan Nestle gaz quyish shahobchasi yo‘nalishida, 21 yo‘nalishli taksi orqali kelish mumkin)
2) Namangan viloyati, Namangan shahar, Obihayot MFY, Nodim Namangoniy, 5-uy (Mo‘ljal: Viloyat kasalliklar shifoxinas (oblbolnitsa, yonida, NTD binosi ortida joylashgan)
Orzuyingizdagi hayot eshigini ochish uchun Sizga to‘g‘ri tanlangan oliygoh yordam beradi.
“University of Business and Science” — orzuyingizdagi oliygoh!
39 Directions
