Institut haqida :

Oliygoh 1976-yilda Toshkent xalq xo‘jaligi institutining Andijon filiali sifatida tashkil etilgan. 1986 yilda Andijon menejment va iqtisodiyot institutiga aylantirildi. Oʻzbekiston Respublikasi Oliy va oʻrta maxsus taʼlim vazirligininig manfatdor vazirliklari, idoralari va xoʻjalik birlashmalari bilan kelishilgan ixtisoslashuvini oʻzgartirish va qayta tashkil etish toʻgʻrisidagi taklifga binoan, Oʻzbekiston Respublikasi Prezidentining PQ‑1533 sonli va Oʻzbekiston Respublikasi Vazirlar mahkamasining Andijon muxandislik-iqtisodiyot institutini Andijon mashinasozlik institutiga aylantirish toʻgʻrisidagi 2011-yil 25-iyuldagi 214-sonli qarori, Oʻzbekiston Respublikasi Oliy va oʻrta maxsus taʼlim vazirligining 2011-yil 29-iyuldagi 319-sonli buyrugʻiga binoan Andijon muxandislik‑iqtisodiyot instituti negizida Andijon mashinasozlik instituti tashkil qilingan.

Qabul talablari :

BMB(DTM) tomonidan tashkil etiladigan davlat test imtihonlarida qatnashish.

Institut grantlari :

Universitetda grantlar mavjud kirish imtihonlarida yuqori ball olgan iqtirodli talabalarga yo'nalishlar kesimida davlat grantlari ajratiladi. Bu grantlar faqat bir o'quv yili uchun beriladi va kontrakt asosida qabul qilingan talabalar kiyingi o'quv yillarida grant o'qish imkoniyati bor.

Institut stipendiyasi :

Davlat granti asosida ta’lim olayotgan talabalar:

Birinchi kursning 1-semestrida stipendiyaning bazaviy miqdori to‘lanadi;

- Keyingi semestrdan boshlab oldingi semestr natijalariga qarab quyidagi tartibda stipendiya tayinlanadi va to‘lanadi:

- Barcha fanlardan o‘zlashtirish ko‘rsatkichi a’lo bo‘lgan talabalarga stipendiyaning bazaviy miqdori 20%ga oshirilgan holatda to‘lanadi;

- Umumiy fanlarining 30% va undan ortiq qismini qoniqarli o‘zlashtirgan, ya’ni 71 balldan kam to‘plagan talabalarga stipendiya tayinlanmaydi. To‘liq davlat ta’minotida bo‘lgan yetim bolalar va ota-ona qaramog‘idan mahrum bo‘lgan bolalar sirasiga kiruvchi hamda 1 va 2-guruh nogironligi bo‘lgan talabalar bundan mustasno;

- Davlat granti asosida ta’lim olayotgan qolgan barcha talabalarga stipendiyaning bazaviy miqdori to‘lanadi.

To‘lov kontrakt asosida ta’lim olayotgan talabalarga quyidagi tartibda stipendiya tayinlanadi va to‘lanadi:

 - Kontrakt asosida o‘qiyotganlar stipendiyali yoki stipendiyasiz shaklda o‘qishi mumkin;

 - Kontraktdagilarga o‘zlashtirish ko‘rsatkichidan qat’iy nazar stipendiyaning bazaviy miqdori to‘lanadi.

 - Stipendiya tegishli tartibda belgilangan kontrakt summasi to‘langanidan so‘ng tayinlanadi va to‘lanadi.

I va II guruh nogironligi bor talabalar uchun quyidagi tartibda stipendiya to‘lanadi:

 - I va II guruh nogironligi bor talabalar grant yoki kontraktda o‘qishidan qat’iy nazar stipendiyaning bazaviy miqdoriga nisbatan 50%ga yuqori miqdorda stipendiya tayinlanadi va to‘lanadi;

 - To‘liq davlat ta’minotida bo‘lgan yetim bolalar va ota-ona qaramog‘idan mahrum bo‘lgan bolalar sirasiga kiruvchi talabalarga stipendiyaning bazaviy miqdorida stipendiya tayinlanadi va to‘lanadi.

Institut yotoqxonasi : Institutda yotoqxona mavjud.

Xalqaro hamkorlik :

Xorijiy hamkorlar bilan tuzilgan va ayni paytda amalda bo‘lgan talabalar almashinuvi dasturlari va malaka oshish hamda amaliyot o'tash uchun shartnoma, bitim, memorandum va bayonnomalar :

Bauman nomli Moskva Davlat Texnika Universiteti

Shimoliy Xitoy Texnologiya Universiteti

Turin Politexnika Universiteti

Merseburg Amaliy Fanlar Universiteti (HoMe)

Novosibirsk Davlat Texnika Universiteti