Institut haqida :

Аndijon qishloq xoʼjaligi va agrotexnologiyalar instituti Oʼzbekiston Respublikasi qishloq va suv xoʼjalik tarmoqlari uchun yuqori malakali mutaxassislar tayyorlaydigan yirik oliy taʼlim muassasalaridan biridir. Bugungi kunda Respublikamizda amalga oshirilayotgan agrar islohotlarni izchil va sobitqadamlik bilan oʼtkazishda institut jamoasining va bu yerda tayyorlanayotgan koʼplab mutaxassislarning salmoqli hissalari bor.

1964-yil – Toshkent davlat agrar universiteti Аndijon filiali 1964-yilda Toshkent irrigatsiya va qishloq xoʼjaligini mexanizatsiyalash injenerlari instituti Аndijon shahobchasi bazasida Аndijon paxtachilik instituti nomi bilan tashkil etilgan edi.

1992-yil – Oliy taʼlim muassasalarining ixtisosligini kengaytirish maqsadida Oʼzbekiston Respublikasi Birinchi Prezidenti I.А.Karimovning 1992-yil 15-martdagi farmoniga asosan Аndijon paxtachilik instituti negizida Аndijon qishloq xoʼjalik instituti tashkil etildi.

2018-yil – Prezidentimiz Shavkat Miromonovich Mirziyoevning 2018-yil 8-maydagi «Toshkent davlat agrar universitetida oliy maʼlumotli kadrlar tayyorlash tizimini tubdan takomillashtirish chora-tadbirlari toʼgʼrisida»gi PQ-3704-son qarori asosida Аndijon qishloq xoʼjalik instituti negizida Toshkent davlat agrar universiteti Аndijon filiali tashkil etildi.

2020-yil – Prezidentimiz Shavkat Miromonovich Mirziyoevning 2020-yildagi PQ-4795-son qarori asosida Toshkent davlat agrar universiteti Аndijon filiali negizida Аndijon qishloq xoʼjaligi va agrotexnologiyalar instituti tashkil etildi.

Qabul talablari :

BMB(DTM) tomonidan tashkil etiladigan davlat imtihonlarida qatnashish.

Institut grantlari :

Institutda grantlar mavjud kirish imtihonlarida yuqori ball olgan iqtirodli talabalarga yo'nalishlar kesimida davlat grantlari ajratiladi. Bu grantlar faqat bir o'quv yili uchun beriladi va kontrakt asosida qabul qilingan talabalar kiyingi o'quv yillarida grant o'qish imkoniyati bor.

Institut stipendiyasi :

Davlat granti asosida ta’lim olayotgan talabalar:

Birinchi kursning 1-semestrida stipendiyaning bazaviy miqdori to‘lanadi;

- Keyingi semestrdan boshlab oldingi semestr natijalariga qarab quyidagi tartibda stipendiya tayinlanadi va to‘lanadi:

- Barcha fanlardan o‘zlashtirish ko‘rsatkichi a’lo bo‘lgan talabalarga stipendiyaning bazaviy miqdori 20%ga oshirilgan holatda to‘lanadi;

- Umumiy fanlarining 30% va undan ortiq qismini qoniqarli o‘zlashtirgan, ya’ni 71 balldan kam to‘plagan talabalarga stipendiya tayinlanmaydi. To‘liq davlat ta’minotida bo‘lgan yetim bolalar va ota-ona qaramog‘idan mahrum bo‘lgan bolalar sirasiga kiruvchi hamda 1 va 2-guruh nogironligi bo‘lgan talabalar bundan mustasno;

- Davlat granti asosida ta’lim olayotgan qolgan barcha talabalarga stipendiyaning bazaviy miqdori to‘lanadi.

To‘lov kontrakt asosida ta’lim olayotgan talabalarga quyidagi tartibda stipendiya tayinlanadi va to‘lanadi:

 - Kontrakt asosida o‘qiyotganlar stipendiyali yoki stipendiyasiz shaklda o‘qishi mumkin;

 - Kontraktdagilarga o‘zlashtirish ko‘rsatkichidan qat’iy nazar stipendiyaning bazaviy miqdori to‘lanadi.

 - Stipendiya tegishli tartibda belgilangan kontrakt summasi to‘langanidan so‘ng tayinlanadi va to‘lanadi.

I va II guruh nogironligi bor talabalar uchun quyidagi tartibda stipendiya to‘lanadi:

 - I va II guruh nogironligi bor talabalar grant yoki kontraktda o‘qishidan qat’iy nazar stipendiyaning bazaviy miqdoriga nisbatan 50%ga yuqori miqdorda stipendiya tayinlanadi va to‘lanadi;

 - To‘liq davlat ta’minotida bo‘lgan yetim bolalar va ota-ona qaramog‘idan mahrum bo‘lgan bolalar sirasiga kiruvchi talabalarga stipendiyaning bazaviy miqdorida stipendiya tayinlanadi va to‘lanadi.

Institut yatoqxonasi : Institutda yotoqxona mavjud.

Xalqaro hamkorlik :

Andijon qishloq xo’jaligi va agrotexnologiyalar instituti Iqtidorli talabalarni qo'llab quvvatlash maqsadida ularni dunyoning top universitetlarda amaliyot , stajirovka hamda talabalar almashinuvi dasturlarida o'qishlari mumkin.