Jizzax davlat pedagogika universiteti haqida:

O’zbekistondagi navqiron oliygohlardan biri hisoblangan ta’lim maskani 1974 yil tashkil topgan. Unga 1989 yil Abdulla Qodiriy nomi berilgan. 2 ta fakultetda 5 ta yo’nalish hamda 6 ta kafedra va 50 nafar professor-o’qituvchilar jamoasi va 425 nafar talabalar bilan ish boshlagan institut bugungi kunga kelib 13 ta fakultet va 41 kafedraga ega katta ilm dargohiga aylangan. O’zbekiston Respublikasi Prezidenti Shavkat Mirziyoevning 21.06.2022 yil «Pedagogik ta’lim sifatini oshirish va pedagog kadrlar tayyorlovchi oliy ta’lim muassasalari faoliyatini yanada rivojlantirish chora- tadbirlari to’g’risida» gi PQ-289 sonli qaroriga ko’ra A.Qodiriy nomidagi Jizzax davlat pedagogika institutiga, Jizzax davlat pedagogika universiteti maqomi berildi. 

Bakalavriat:

Bugungi kunda Universitetda 13 fakultet, 41 ta kafedra mavjud. Talabalar soni: 27 bakalavriat yo’nalishi kunduzgi bo’limda 11044 nafar, 11 ta bakalavriat yo’nalishi sirtqi bo’limda 7086 nafar, 20 ta magistratura mutaxassisligi bo’yicha 1271 nafar magistrant mavjud. Professor o’qituvchilar : 836 nafarni tashkil etadi. Jizzax davlat pedagogika universitetiga qabul 2023/2024. JDPUga 2023-yilgi qabul 20 iyundan - 20 iyulgacha

Jizzax davlat pedagogika universitetiga kirish ballari, kvotalar va grantlar haqida ma'lumot!

JDPU qo'shma dasturlari:

Ayni paytda Jizzax davlat pedagogika universiteti Belorusiyaning ikkita yirik universitetlari: Maksim Tank nomidagi Belorusiya davlat pedagogika universiteti va Baranovichi nomidagi davlat universiteti bilan samarali hamkorlik qilmoqda. Bo’lim uchta yo’nalish bo’yicha mutaxassislar tayyorlaydi va ikkita o’quv dasturlari bo’yicha faoliyat olib boradi, xususan:

«3 + 1» o’quv dasturi

5210200 – Amaliy psixologiya

5111900 – Defektologiya (logopediya)           

«2 + 2» o’quv dasturi

5111800 – Maktabgacha ta’lim

5210200 – Amaliy psixologiya

Bo’lim hamkorlar bilan birgalikda o’quv dasturlarini ishlab chiqadi va ikki darajali dasturlarni amalga oshiradi. «Ikki daraja» dasturi JDPU diplomlari bilan bir vaqtning o’zida nufuzli xorijiy oliy o’quv yurtidan diplom olishga imkon beradigan bir yoki ikki yillik akademik almashinuv dasturi (3 + 1 yoki 2 + 2) asosida. Talaba JDPUda ikki (uch) yil o’qiydi, so’ngra uchinchi va to’rtinchi (to’rtinchi) yillarda JDPU fanlarini individual jadval asosida o’qiyotganda, boshqa davlatga (masalan, Belorusiyaga) jo’nab ketadi. Bu chet tillarini bilish va xalqaro tajriba orttirish uchun noyob imkoniyat yaratadi.

JDPU yotoqxonasi haqida:

Jizzax davlat pedagogika institutidagi TTJ bugun tubdan o’zgargan. Bundan bir necha yillar muqaddam o’ta abgor holdagi yotoqxonalar bugungi kunda ko’zni quvnatar darajada ta’mirlangan. Bugun jami 465 nafar talaba barcha sharoitlarga ega TTJ da istiqomat qilishadi.