ISMA haqida :

Latviyaning Axborot tizimlari menejmenti Oliy maktabining Farg‘ona shahridagi filiali (ISMA Fargona Filiali) O‘zbekiston Respublikasi Prezidentining 2018 yil 26 sentyabrdagi PQ-3952-sonli qaroriga asosan faoliyat ko'rsatib kelmoqda. Filialning asosiy maqsadlaridan biri respublikamiz iqtisodiyotining turli sohalariga biznes boshqaruvi, turizm va axborot tizimlari bo‘yicha mutaxassislar tayyorlashdan iborat.

Filialda dars jarayonlari 3 bakalavr yo‘nalishi bo‘yicha amalga oshiriladi:

• Biznes boshqaruvi (Business Administration)

• Turizmda biznes boshqaruvi (Business Administration in Tourism)

• Axborot tizimlari (Information Systems).

Filialning o‘quv jarayoni Latviyaning Axborot tizimlari menejmenti Oliy maktabini dasturlari asosida kredit-modul tizimi bo‘yicha olib boriladi. Filialga muntazam ravishda yevropalik professor-o‘qituvchilar ma’ruzalar o‘qish uchun tashrif buyurishadi. Talabalarga o‘qish va amaliyot o‘tash uchun sharoitlar yaratilgan.

Har bir talaba Yevropa kompaniyalarida pullik stajirovkadan o‘tish, shuningdek, talabalar harakatchanligi dasturlari doirasida ISMAning xorijiy hamkor-universitetlarida 1 yoki 2 semestr davomida o‘qish imkoniyatiga ega. ISMA shuningdek, Latviyadagi turizm va mehmondo'stlik korxonalarida stajirovka o'tashni taklif qiladi. Ko'pgina ISMA talabalari o'qish paytida kasbiy faoliyatini boshlaydilar.

ISMA ga qabul qilinish talablari va kerakli hujjatlar :

 - Standart ariza shakli

 - Sertifikat/diplom (asl tilda) va notarial tasdiqlangan ingliz tiliga tarjimasi

 - Ingliz tilini bilish sertifikati TOEFL (70) / IELTS (5.5)

 - Pasportning skanerlangan nusxasi

 - 3×4 sm oʻlchamdagi 2 ta fotosurat

- Ichki imtihonlarda o'tish balini to'plash

ISMA talabalari uchun yotoqxona : ISMA da talabalar uchun talabalar turar joylari mavjud.

ISMA ta'lim grantlari va stipendiyalari : ISMA da har o'quv yilida bakalavriat bosqichi uchun 10 ta ajratiladi va bu grant o'rinlari ichki imtihonlarda yuqori ball to'plagan nomzodlar orasida taqsimlanadi.

Xalqaro hamkorlik : ISMA strategik hamkorlari quyidagi taniqli xalqaro tashkilotlardir:

- Avstriya, Belgiya, Daniya, Buyuk Britaniya va AQSh kabi 24 mamlakatdagi universitetlar va biznes mutaxassislarini birlashtirgan BMDA (Baltic Management Development Association),

- CEEMAN (Dinamik jamiyatlarda menejmentni rivojlantirish xalqaro assotsiatsiyasi) - Evropa, Osiyo va boshqalardan 220 dan ortiq vakillardan iborat bo'lgan dinamik biznesni rivojlantirish assotsiatsiyasi;

- LVRA (Latviya mehmonxonalar va restoranlar assotsiatsiyasi),

- LDDK (Latviya Ish beruvchilar Konfederatsiyasi),

- ISMA shuningdek, AMADEUS (global bron qilish tizimi) va Hotelinco (mulkni boshqarish tizimi) kabi turizm sanoati vakillarining ishlanmalaridan foydalanadi.

Talabalar amaliyotlarini 2 oydan 5 oygacha Yevropa Ittifoqining Erazmus+ dasturi orqali Ispaniya, Portugaliya, Italiya, Germaniya, Avstriya, Latviya korxonalarida o‘tashlari mumkin. ISMA universiteti tomonidan beriladigan diplom Yevropa, AQSH, Kanada va Osiyo mamlakatlarida tan olinadigan xalqaro diplom.